Так, у каледжы Брэстчыны былі закупленыя 23 МАЗы, іх размеркавалі па 13 установах адукацыі, каб на сучасным транспарце вучыліся будучыя вадзіцелі. На пакупку грузавікоў з абласнога бюджэту выдзелілі больш за 2,5 млн рублёў, каледжы з большай колькасцю навучэнцаў атрымалі па дзве новыя машыны, а наша ўстанова адукацыі атрымала такі бонус яшчэ і дзякуючы юбілейнай даце – 45-годдзю з дня заснавання.
– Цяпер у нашым аўтапарку чатыры грузавыя машыны, на іх будуць вучыцца будучыя вадзіцелі, бо ў гаспадарках раёна сёння на палях шчыруюць акурат на такіх МАЗах, – адзначае дырэктар аграрнага каледжа Міхаіл Дымовіч. – Вось і гэтая новая тэхніка вясной паедзе на палі нашай вучэбнай гаспадаркі ў Сярадаве. Наперадзе пасяўная, пасля ўборачная, са сваіх 400 га зямлі мы таксама збіраем зерне з неблагой ураджайнасцю і робім свой унёсак у раённы каравай. Ад імя ўсяго кіраўніцтва каледжа дзякую Брэсцкаму аблвыканкаму, Галоўнаму ўпраўленню па адукацыі за падарунак і падтрымку.
Віншуем каледж з такім набыткам, няхай на новых машынах вучацца і растуць добрыя рабочыя кадры, якія сёння так запатрабаваныя ў сельгаспрадпрыемствах па ўсёй краіне.
Крыніца:ivatsevichy.by
" />
