3 снежня, Мінск /Кар. БЕЛТА/. Міністэрства аховы здароўя ўстанавіла гранічныя максімальныя тарыфы на платныя медыцынскія паслугі па прыёмах (кансультацыях) урачоў-спецыялістаў. Гэта прадугледжана пастановай Міністэрства аховы здароўя нумар 156 16 лістапада 2024 года, якая апублікавана на Нацыянальным прававым інтэрнэт-партале, паведамляе БЕЛТА.
Гранічны максімальны тарыф на першасны прыём урачоў-спецыялістаў устаноўлены на ўзроўні ад Br35 (урачом-спецыялістам другой кваліфікацыйнай катэгорыі) да Br57 (урачом-спецыялістам, акадэмікам Нацыянальнай акадэміі навук Беларусі, доктарам медыцынскіх навук), а на паўторны прыём гэтымі ж спецыялістамі - ад Br21 да Br32.
Максімальны тарыф на кансультацыю ўрача-спецыяліста, які мае кваліфікацыйную катэгорыю, устаноўлены на ўзроўні ад Br42 да Br49 (у залежнасці ад катэгорыі), а на кансультацыю ўрача-спецыяліста, які мае навуковую ступень, вучонае званне, акадэмічнае вучонае званне, - ад Br65 да Br85.
Згодна з пастановай, устаноўленыя гранічныя максімальныя тарыфы не распаўсюджваюцца на ўрачоў-спецыялістаў стаматалагічнага профілю.
Дакумент уступае ў сілу з 1 лютага 2025 года.-0-
