Напярэдадні 35-й гадавіны вываду савецкіх войскаў з Афганістана ў ДУА «Тэлеханская спецыяльная агульнаадукацыйная школа-інтэрнат» на сустрэчу з дзецьмі запрасілі ўдзельніка вайны, жыхара в. Горталь прапаршчыка міліцыі Васіля Галавача. Ініцыятарам такой сустрэчы выступіў Івацэвіцкі РАУС, бо Васіль Сяргеевіч на сённяшні дзень адзіны ветэран райаддзела, які прайшоў страшную вайну за тысячы кіламетраў ад Радзімы.
Аб сваім баявым шляху, які доўжыўся з 1986 па 1988 год у аўтамабільным батальёне тылавога забеспячэння, госць расказаў 7-9-класнікам, удзельнікам клуба "Заслон". Дарэчы, клуб быў заснаваны 18 снежня 2023 года, у цырымоніі адкрыцця ўдзельнічаў міністр унутраных спраў Іван Кубракоў. Дзеці задавалі пытанні Васілю Галавачу, цікавіліся, як вадзіцель вялікагруза па небяспечнай гарыстай мясцовасці дастаўляў харчаванне да савецкіх ваенных часцей і як перажываў абстрэлы і гібель калег.
У завяршэнні мерапрыемства намеснік начальніка Івацэвіцкага РАУС Андрэй Хвайніцкі перадаў воіну-афганцу, прапаршчыку міліцыі ў адстаўцы Васілю Галавачу Грамату за аказанне садзейнічання ў ахове грамадскага парадку, прапагандзе дзейнасці органаў унутраных спраў і ўнутраных войскаў МУС Рэспублікі Беларусь у выхаванні асабовага складу, падпісаную начальнікам Сухенка.
