Кіраўнік дзяржавы Аляксандр Лукашэнка 29 лютага падпісаў указ нумар 75 аб устанаўленні юбілейнага медаля "80 гадоў вызвалення Беларусі ад нямецка-фашысцкіх захопнікаў". Аб гэтым паведамілі ў прэс-службе Прэзідэнта.
Дакументам таксама зацверджана палажэнне аб юбілейным медалі, яго апісанне і ўзор пасведчання да яго.
На вонкавым баку размешчана фігура радавога Рабоча-сялянскай Чырвонай арміі ў летнім абмундзіраванні з пісталетам-кулямётам Шпагіна ў руках, правей – фігура партызана з ручным кулямётам Дзегцярова. Справа ад фігур - адзін пад іншым гады "1944" і "2024", вышэй - выява салюту. У ніжняй частцы - ордэн Айчыннай вайны залацістага колеру, размешчаны на вянку з дубовага лісця.
На адваротным баку медаля – надпіс “80 гадоў вызвалення Беларусі ад нямецка-фашысцкіх захопнікаў”, вакол якога – лаўровы паўвянок, абвіты стужкай, а на ім – пяціканцовая зорка залацістага колеру.
Юбілейным медалём будуць узнагароджваць ветэранаў Вялікай Айчыннай вайны, былых вязняў фашысцкіх лагераў, турмаў, гета і іншых месцаў прымусовага ўтрымання, створаных фашыстамі і іх саюзнікамі ў гады Другой сусветнай вайны, замежных грамадзян і асоб без грамадзянства, якія пастаянна пражываюць за межамі Беларусі і непасрэдна удзел у баявых дзеяннях за вызваленне Беларусі ад нямецка-фашысцкіх захопнікаў у гады Вялікай Айчыннай вайны.
Узнагароджваць медалём будуць таксама ваеннаслужачых Узброеных Сіл, іншых войскаў і воінскіх фарміраванняў Беларусі, работнікаў дзяржаўных органаў і іншых асоб, якія ўнеслі значны ўклад у героіка-патрыятычнае выхаванне грамадзян краіны, увекавечанне памяці загінуўшых, арганізацыю мерапрыемстваў, прысвечаных 80-годдзю вызвалення Беларусі ад нямецка- фашысцкіх захопнікаў.
Крыніца: Belta.by
