З 8 па 10, 14 і 16 лютага на базе ДУА «Сярэдняя школа №1 г. Івацэвічы ім. В. Гука» адбылося першынства Івацэвіцкага раёна па баскетболе ў праграме XXXVI спартакіяды школьнікаў.
У спаборніцтвах прынялі ўдзел 5 каманд дзяўчат і 14 каманд юнакоў з устаноў агульнай сярэдняй адукацыі Івацэвіцкага раёна.
Сярод гарадскіх устаноў адукацыі найлепшыя вынікі паказалі ДУА «Сярэдняя школа № 1 г. Івацэвічы ім. В. Гука» (юнакі), ДУА «Сярэдняя школа № 4 г. Івацэвічы» (дзяўчаты).
Сярод устаноў адукацыі, размешчаных у сельскай мясцовасці, пераможцамі сталі ДУА "Даманаўская сярэдняя школа" (юнакі), ДУА "Даманаўская сярэдняя школа" (дзяўчаты).
Сярод базавых устаноў адукацыі і ўстаноў адукацыі, у якіх у 2023/2024 навучальным годзе няма 10 і 11 класаў, першае месца заняла каманда юнакоў ДУА «Амельнянская сярэдняя школа».